Nadungagan pa ang gidaghanon sa mga probinsiya nga gilauman nga maapektuhan sa pagkuso-kuso sa Bagyong Basyang, basi sa Critical Cyclone Track Chart sa Department of the Interior and Local Government (DILG) Central Office Disaster Information Coordinating Center.
Diin 22 ka probinsiya ang anaa sa 190-km diameter sa nasangpit nga bagyo ug gilaumang makasinati og hangin nga moabot sa 65 kph (Alert Level Bravo – Orange).
Kini naglakip sa mga probinsya sa Agusan del Norte, Agusan del Sur, Antique, Bohol, Bukidnon, Camiguin, Cebu, Davao de Oro, Davao Oriental, Guimaras, Iloilo, Lanao del Norte, Misamis Occidental, Misamis Oriental, Negros Occidental, Negros Oriental, Palawan, Siquijor, Southern Leyte, Surigao del Sur Norte, Surigao del Norte, ug Surigao del Norte.
Ingon man nga ang nasangpit nga mga lalawigan makasinati og kusog ngadto sa kusog nga pag-ulan tungod sa bagyo.
Gilauman usab ang 450-km diameter sa bagyo nga makaapekto sa 19 ka mga probinsya, nga adunay hangin nga moabot sa 55 kph ug kasarangan ngadto sa kusog nga pag-ulan.
Apil niini ang mga probinsya sa Aklan, Batangas, Biliran, Capiz, Cotabato, Davao del Norte, Davao del Sur, Dinagat Islands, Eastern Samar, Lanao del Sur, Leyte
Maguindanao, Masbate, Occidental Mindoro, Oriental Mindoro, Romblon, Samar, Zamboanga del Sur, ug Zamboanga Sibugay.
Sa kinatibuk-an, moabot ngadto sa 41 ka mga probinsiya ang posibleng makasinati sa kaylap nga epekto sa Bagyong Basyang, apan wala isalikway ang posibilidad sa dugang nga pagsaka, tungod kay ang bagyo nagkaduol na sa yuta sa nasod.
