Makonsiderar nga dismissed o gibasura ang impeachment case batok kang Bise Presidente Sara Duterte nga dismiss kung dili mahuman ang pagdungog sa dili pa ang Hunyo 30, 2025.
Kini ang gipahayag ni Senate Majority Leader Francis Tolentino atol sa iyang pagpadayag sa plenaryo sa Senado.
Matod ni Tolentino, ang impeachment trial dili makatabok sa 20th Congress tungod sa kakuwang sa constitutional authority.
Gipasabot pa niya nga 12 na lang ka senador ang nagpabilin sa Kongreso human sa eleksiyon ug dili pa kini igo aron maporma ang quorum.
Apan, gisupak kini ni Senador Risa Hontiveros gumikan matud niini nga ubos sa 1987 constitution, gikinahanglan sa Senado nga ipadayon ang proseso sa impeachment ug dili na kini angay nga mabalda.
Ingon man nga nabalaka ang senador sa balikbalik nga pagkalangay sa proseso sa impeachment trial.
Dugang pa sa senador nga dugay na kaayong nagpaabot ang mga Pilipino ug nanghinaot ang senador nga mao na kini ang kataposang paglangan.
Bisan pa nga ang senador niingon nga suportado niya ang pagpalabang sa mga importanteng balaudnon sa dili pa matapos ang 19th Congress, siya miingon nga ang ilang mga katungdanan ubos sa Konstitusyon dili na ma-postpone.
Gihatagan pa niya og gibug-aton nga ang bisan unsang paglangan sa pagsugod sa trial batok kang Duterte, usa ka klaro nga paglapas sa Konstitusyon, nga tin-aw nga nangayo sa Senado nga sugdan dayon ang impeachment.
