JAKARTA, INDONESIA-Gikompirmar ni Department of Justice (DOJ) Secretary Jesus Crispin Remulla ang hangyo sa kapulisan sa Jakarta, Indonesia nga i-barter si Alice Guo sa most wanted sa Indonesia.
Matod sa kalihim, gusto nilang hulipan si Guo sa nasikop nga Australian drug kingpin nga si Gregor Johann Haas.
Kahinumduman nga nasikop si Haas sa Bureau of Immigration sa Bogo, Cebu niadtong Mayo 15 ning tuiga tungod sa iyang kaso sa pagpayuhot og drugas sa San Remigio.
Si Haas adunay warrant of arrest gikan sa National Narcotics Board of Indonesia niadtong Enero 29 tungod sa pagsulay sa pagpayuhot og lima ka kilo sa ilegal nga drugas gikan sa Mexico paingon sa Indonesia.
Subay niini, gisaysay ni Ginavella Limpin-Cumla, ang Bombo International Correspondent sa Jakarta, Indonesia nga tungod sa hiniusang collaboration nagmalampuson ang pagkasikop kang Alice Guo kinsnag kasamtangang gikustodiya sa kapolisan sa Indonesia.
Gidugang pa niini nga tungod usab kasabutan sa mga ASEAN members nga nagtinguha nga mahibalik ang mga criminal o mga indibidwal nga adunay tulubagon sa balaod sa usa ka nasud kay mahan-ay ang ilang pagbalik.
