Nakaani og daghang pagsaway ang gipahigayon nga inspection cite sa Cebu Bus Rapid Transit diin temporaryong gisirad-an ang dalan sa Osmeña Blvd.
Diin sa unang adlaw palang kay wala na makauyon ang mga motorista ug mga pasahero nga adunay trabaho gumikan daghan kanila ang nanga-late.
Atol sa pakighinabi sa Bombo Radyo Newsteam kang Samuel Baclayon, usa ka jeepney driver nga tuod man gamay nalang ang nibyahe apan nimugna gihapon kini og huot nga trapiko ug dakong epekto kini sa ilang panginabuhian tungod kay molungtad kini og duha ka oras back and forth.
Ingon man nga dunay mga motorista usab nga nasaag sa pagsubay sa lane sa dihang gisugdan ang CBRT test run.
Samtang, nipadayag usab si Mayor Nestor Archival sa iyang naobserbahan sa inspection diin adunay mga kinahanglan pa nga tun-an.
Sama nalang sa mga klaro nga signages nga ipahimutang aron magiyahan ng mga motorista. | Bombo Rocky Lavarez
