Mipahibalo ang Ministro sa Depensa sa Israel nga si Israel Katz nga si Iranian Supreme Leader Ayatollah Ali Khamenei giingong naglikay sa hulga sa pagpatay sa panahon sa gitawag nga “12 days of war” pinaagi sa pagtago sa ilawom sa yuta.
Giingon usab ni Katz nga giputol sa Supreme Leader sa Iran ang iyang kontak sa mga komander nga nagpuli sa mga natangtang o gipatay nga mga komander atol sa pagpangatake sa Israel ngadto sa Iran.
Mahimo kuno nila nga patyon si Khamenei kung nakahigayon lang sila nga makit-an siya sa sobra sa usa ka semana nga panagsangka tali nila ug sa Iran.
Kahinumdoman nga sa unang adlaw sa 12 days of war nga miulbo niadtong Hunyo 13, daghang mga senior Iranian commanders ug nuclear scientist ang nangamatay tungod na pod sa pagbombardiyo sa Israel.
Ang gubat sa kahanginan tali sa Iran ug Israel natapos sa ceasefire nga gipasiugdahan sa Amerika niadtong Martes, Hunyo 24.
