Gibombahan na usab sa mga pwersa sa Israel ang siyudad sa Rafah sa habagatang bahin sa Gaza, nga nakapatay sa 45 ka mga Palestinian.
Matud sa Israeli Defense Forces, ang ilang mga sundalo nagpahigayon og ‘precise, intelligence-based’ actions diin ilang nadiskobrehan ang mga tunnel nga mahimong mga kuta sa militanteng Hamas sa Rafah.
Apan, sumala sa pipila ka mga lumulupyo, mopatim-aw nga ang mga pwersa sa Israeli ug misulay sa hingpit nga pagkubkob sa Rafah sa utlanan sa Ehipto ug nahimong sentro sa mga pag-atake sa Israel sukad sa sayong bahin sa Mayo ning tuiga.
Basi sa Gaza Health Ministry, mokabat sa 25 ka mga Palestinian ang namatay sa Mawasi sa kasadpang Rafah samtang 50 ka mga tawo ang naangol nga matud pa sa mga Palestinian resulta sa usa ka tank shell nga naigo sa usa ka tolda diin nahimutang ang mga pamilya nga nawad-an sa kinabuhi tungod sa gubat.
