SOUTH KOREA-Nangayo og pasaylo ang management sa Jeju Air, ang tag-iya sa Jeju Air flight diin nahitabo ang trahedya nga naglambigit sa kompanya.
Sa social media niini diin angkanayon nga buhaton nila ang tanan aron matubag ang biktima sa aksidente.
Kahinumdoman nga ang Jeju Air flight nga nagkarga og 181 ka mga pasahero kay nahagsa sa Muan International Airport sa South Korea diin duha ang naluwas nga gilangkuban sa usa ka tripulante ug usa ka pasahero ug 179 ang gikonsiderar nga patay sa aksidente.
Ang Boeing 737-8AS gikan sa Bangkok paingon sa South Korea ug basi sa pasiunang imbestigasyon, posibleng tungod sa pagkabangga sa abyon sa langgam ang disgrasya, uban sa dili maayong kahimtang sa panahon.
Nagpahayag sa ilang lawon nga pahasubo ang Jeju Air ug pagpangayo og pasaylo alang sa makapasubo nga insidente nga nahitabo sa mga nagbangutan nga pamilya, ug nakahukom nga ipunting ang imbestigasyon ug tabangan ang mga pamilya sa mga biktima.
