Milapad pa ang kadaot nga gibilin sa kaylap nga pagbaha sa sektor sa agrikultura.
Gikan sa kapin sa P203 milyones nga gitaho sa Department of Agriculture – Disaster Risk Reduction Management Operations Center, niabot na kini sa P251.21 milyones sa pagkakaron.
Diin mokabat sa 11,003 ka mag-uuma ang na-validate nga apektado, samtang ang pagkawala sa produksiyon gibanabana nga moabot sa 3,437 metriko tonelada.
Samtang adunay kinatibuk-ang 12,764 ka ektarya nga nadaot nga mga pananom ang natala.
Ang datos nakolekta gikan sa DA Regional Field Offices (RFOs) sa Central Luzon, Calabarzon, Mimaropa, Western ug Eastern Visayas, Zamboanga Peninsula, Soccsksargen ug Caraga region.
Apil sa mga apektado mao ang mga humayan, mais, pagtikad sa mga high value crops, ug kahayupan.
Sa pagkakaron, padayon pa nga nagpahigayon og validation ang DA sa mga apektadong lugar aron madeterminar ang tukmang hinabang nga ipang-apod-apod sa mga apektadong mag-uuma aron makabangon dayon sila sa epekto sa lapad nga pagbaha.
