Masaligon ang Kamara nga mahuman ang pagtuki sa gisugyot nga P6.793-trilyon nga 2026 National Budget sa gikatakdang schedule.
Kini bisan pa sa hangyo sa mga magbabalaod nga i-review ang gisugyot nga pundo sa Department of Public Works and Highways (DPWH) ug uban pang mga ahensya nga nakit-an nga adunay kwestyonable ug guba nga mga budget entries.
Matod ni House Spokesperson Atty. Princess Abante, nagpadayon ang mga pagdungog sa House Appropriations Committee ug ang mga lider sa partido politikal ug ilang mga miyembro namahayag nga andam silang motrabaho bisan pa man nga molapas sila sa ilang gitakdang oras.
Bisan si House Deputy Speaker Ronaldo Puno masaligon nga mahuman nila ang deliberasyon sa gisugyot nga pundo sa saktong oras ug matod niya nga bisan og duha ka semana ang pag-review sa DPWH sa ilang gisugyot nga pundo, segurado siya nga anaa gihapon sa schedule sa Kamara ang pag-aprobar sa General Appropriations Bill (GAB).
Target sa Ubos Balay Balauranan nga maaprobahan ang GAB sa dili pa mabuak ang Kongreso sa Oktubre 10.
Sa pikas bahin, misaad usab si Department of Public Works and Highways (DPWH) Secretary Vince Dizon nga tukion og maayo ang gisugyot nga 2026 budget sa departamento.
Matod ni Dizon, kinahanglan nga putlon ang dili kinahanglan nga mga bahin sa badyet ug ipunting ang pondo sa mga lehitimo ug prayoridad nga mga proyekto.
