Giklaro sa kampo ni Bise Presidente Sara Duterte niadtong Biyernes, Agosto 14, nga ang ilang pamahayag nga ang ubang mga impeachable officials, lakip ang Presidente, kung ugaling makasuhan o ikiha ang usa ka kasamtangang naglingkos nga Bise Presidente.
Kini ang pamahayag nga giluwat sa kampo sa bise presidente sunod sa pamahayag ni Palace Press Officer Claire Castro, kinsa nangutana kon ang kampo ni Duterte nagpagawas ba og laing hulga.
Sumala sa legal counsel ni VP Sara sa kaso sa grave threats nga si Atty. Paul Lawrence Lim, kini usa lamang ka “statement of fact” ug dili usa ka hulga.
Iyang giinsistir nga kon ang bise presidente mapasakaan og kaso samtang naglingkod pa sa iyahang katungdanan, mamahimong susama ang mahitabo sa ubang mga impeachable officials, ug miingun nga ang bise presidente dili lang ang nag-inusarang impeachable officer.
Gidugang usab niya nga ang impeachment trial kinahanglan mahuman sa dili pa siya mapasakaan og kasong grave threats.
Sumala ni Lim, ang Bise Presidente anaa sa “good spirits” ug andam nga atubangon ang tanang alegasyon batok kaniya.
“The vice president is not the only impeachable officer… if she will be treated this way ‘yun na rin ba ang mangyayari din sa iba? Is that the meaning of that? Tama naman sinabi niya ‘no one is above the law’. I agree with that. If the vice president has to answer for example for any crime, should it be now that she is still a sitting vice president? Or later when she is no longer, if ever”? pangutana ni Atty. Lim.
Nauna nang gihangyo sa kampo ni Duterte nga ibasura ang mga kaso sa grave threats, tungod kuno sa kakulang sa hurisdiksyon sa korte. Nagsang-at usab sila og mosyon nga i-postpone ang arrest warrant samtang naghulat sa desisyon sa hurisdiksyon.
