CEBU CITY- Gitumbok ni kanhi Cebu City Mayor Tomas “Tommy” Osmeña nga si kanhi Presidential Assistant for the Visayas Secretary Michael Lloyd Dino ang nagpaluyo sa mga illegal nga operasyon sa POGO sa Sugbo.
Kini nga pamahayag ni Osmeña atol sa pagtungga niini sa Quad Committee Hearing sa House of Representatives sa padayon nga congressional inquiry niini sa illegal nga operasyon sa POGO, illegal drug trade, extrajudicial killings, ug uban sa ubos sa administrasyon ni kanhi Presidente Rodrigo “Digong” Duterte.
Subay sa pamahayag ni Osmeña, nga giingong adunay siyay pagduda ni Dino nga maoy nag-intervene sa raid operation sa Criminal Investigation and Detection Group (CIDG) sa usa ka tanyag nga hotel sa isla sa Mactan niadtong 2019.
Kung diin, human sa usa ka semana sa nahitabong operasyon kay gi-suspenso ang pangu sa awtoridad.
Sigon pa sa kanhi mayor nga kadudahan ang maong serye sa mga panghitabo tungod kay nganong nasilotan ang commander nga nangulo sa operasyon.
Dugang pa ni Osmeña, nga adunay binilyong nga balor sa mga multi-hish rise buildings sa dakbayan sa Sugbo nga posibling kuta sa operasyon sa POGO nga may kalambigitan sa administrasyong Duterte pinaagi ni Dino.
Samtang sa laing habig, namahayag usab ang kanhi mayor sa mga kongresista sa maong komitiba nga andam kini mopagawas og mga dokumento nga may kalambigitan sa extrajudicial killings sa dakbayan sa Sugbo ubos sa administrasyon ni kanhi Cebu City Police Office City Director Ret. Col. Royina Garma.
