CENTRAL VISYAS-Kapin sa P21 Million nga balor sa gituohang shabu ang nasakmit sa Police Regional Office 7 atol sa usa ka semana nga anti-criminality operations nga mi resulta usab sa pagka sikop sa 644 ka mga suspetsado sa managlahi nga krimen.
Tungod niini gidayeg ni Police Brigadier General Anthony Aberin ang gipakitang dedikasyon sa iyang mga sakop aron magpabiling malinawon ang tibuok Central Visayas gikan sa mga kriminal.
Kung diin,gikan sa Hunyo 18-24, 2023 naka sakmit ang kapulisan og 3,170.84 ka gramo sa gituohang shabu nga adunay Standard Drug Price nga P21,561,712.00 atol sa 151 ka anti-drug operations nga mi resulta sa pagka sikop sa 177 ka drug suspects.
Sa kampanya batok sa bisan unsa nga matang sa illegal gambling activities naka sikop ang kapulisan og 261 ka sugarol ug pagka sakmit sa P30,267.00 isp bet money lakip na ang mga gambling paraphernalia.
Naka imbargo usab ang kapulisan og 132 ka lain-laing kalibre sa armas nga walay lisensya, 3 ka explosives ug mga bala.
Gihingusgan nila ang kampanya batok loose firearms nunot sa nag singabot nga Baangay ug Sangguniang Kabataan elections SA October.
Sa maong operasyon naka sikop sila og 25 ka mga suspects nga nakuhaan og mga armas nga walay napakita nga papeles.
Samtang sa pag gukod sa mga wanted persons naka sikop ang kapulisan og 181 ka mga suspek nga nag atubang ug lain-laing kaso diin 16 niini nabutang sa listahan sa most wanted samtang 165 ang dunay mga pending warrant of arrest.
