CEBU CITY-Gihikay na ang kasong kalapasan sa PD 1602 o anti-illegal gambling batok sa usa ka kapitan sa Barangay Kabatbatan, lungsod sa Dumanjug probinsya sa Sugbo.
Naila ang kapitan nga si Ruel Cuevas, 39 anyos.
Matud sa hepe sa Dumanjug PNP nga si PMajor Ardioleto Cabagnot sa eksklusibong pakighinabi sa Bombo Radyo Cebu nga nakadawat sila og report nga adunay nagtapok-tapok sa maong lugar ug nagpustahay ug pasabong sa manok.
Sa dihang mi-responde ang mga pulis, ‘caught in the act’ and naasoy nga kapitan nga maoy nagpasi-ugda sa maong tigbakay.
Dugang pa sa hepe nga nagpatari ang naasoy nga kapitan sanglit birthday niini.
Nakuha gikan ni Cuevas ang manok nga puwa o fighting cock ug 5 ka tari.
Nasayran nga matag tuig magpasabong og manok si Kapitan Cuevas atol sa adlaw nga natawhan niini.
