LAPU-LAPU CITY, CEBU- Adunay laing person of interest ang Lapu-Lapu City Police Office (LCPO) sa pagpatay sa 42-anyos nga asawa sulod sa modernong jeepney sa Brgy. Ibo, dakbayan sa Lapu-Lapu, niadtong Sabado sa gabii, Disyembre 28, 2024.
Sa pakighinabi sa Bombo Newsteam kang Police Lieutenant Colones Christian Torres, ang tigpamaba sa Lapu-Lapu City Police Office (LCPO), gitino niini nga ang bana sa biktima nga una nang gitumbok nga suspek, nakapakita og pruweba nga anaa siya sa ilang Christmas Party sa usa ka pribadong tunghaan sa dakbayan sa Mandaue dihang nahitabo ang krimen.
Gawas niini, nitestigo usab ang iyang mga kauban sa trabaho ug mipakita og CCTV footage.
Giila ang bana nga si Jelson Mamac kinsa una nga gisikop sa kapulisan kana gumikan kay gihatagan matod nila ug gibug-aton ang pamahayag sa nahinabi ni Carmela nga nihatag kini ug pahimangno nga ayaw na pasakya ha kay bana nako na.
Apan, napamatud-an sa mga kauban niini nga gwardiya nga ana-a ra sa ilang staff house si Jelson Mamac gikan alas 6:00 ang takna sa sayong kagabi-on hangtod na alas 10:00 ang takna sa gabii niadtong adlaw sa Sabado, Disyembre 28,2024, dihang nahitabo ang pagpanunggab sa biktima nga si Carmela Mamac 42; ang asawa ni Jelson.
