CEBU CITY-Wala’y nabantayan nga posibleng dagkong mga hulga sa seguridad sa Palarong Pambansa nga gipahigayon sa Dakbayan sa Sugbo.
Mao kini ang gipadangat sa National Intelligence Coordinating Agency (NICA) atol sa “1st Critique Session for The Palarong Pambansa” nga gipahigayon karong gahapon, Hulyo 10, 2024, sa Social Hall sa Cebu City Hall.
Diin gitambongan sa mga kadagkoan sa kapulisan gikan sa regional, provincial, Cebu City, Mandaue, ug Lapulapu City police office ang kalihokan, ug naglakip sa mga nanambong ang mga tinugyanan sa Department of Education (DepEd), Highway Patrol Group, Philippine Coast Guard, Department of Social Welfare and Services, ug sa Cebu City Disaster Risk Reduction and Management Office.
Nasayran nga ang nagdumala sa maong kalihokan mao si P/Col. Noel R. Flores, ang deputy regional firector for operations sa Police Regional Office-7.
Natuki sa panagtigom ang kalangay sa paghatod sa mga pagkaon alang sa kapulisan nga nag-duty sa 30 ka mga playing venue, ingon man atol sa opening ceremony.
Gani, gihatagan ni Flores og 95.75 nga grado ang gipakitang trabaho sa kapulisan, sukad gisugdan ang pagpangandam sa Palarong Pambansa.
Subay niini, kahinumduman nga unang nakahinabi sa Bombo Radyo Cebu si Police Col. Ireneo Dalogdog arun sa pagsuta sa kinatibuk-ang assesstment sa kalihokan.
Diin malipayon kining nipaambit nga nagmalampuson tungod hapsay ang dagan programa hinungdan mipaabot kini og pasalamat sa mga ni-abag usab ug sa suporta nga giahatag sa kadagkoan sa kapulisan arun sa pagbantay sa seguridad.
