CEBU CITY-Gitambagan sa Department of Veterinary Medicine and Fisheries (DVMF) ang mga lokal nga mag-uuma sa paggamit sa mga lakang aron mapugngan ang pagbalik sa African Swine Fever (ASF).
Ang DVMF nangampanya sa mga mag-uuma sa baboy nga palig-onon ang preventive measures human pito ka baboy gikan sa Barangay Bonbon ang nasuta nga namatay sa gidudahang ASF.
Sa pakighinabi sa Bombo Newsteam kang Dr Alice Utlang, kinsa ang pangu sa Cebu City Department of Veterinary Medicine and Fisheries (DVMF), gitino niini nga duha nalang ka sityo sa bukirang barangay sa Bonbon ning dakbayan sa Sugbo ang adunay aktibong kaso sa ASF sa dakbayan.
Dugang sa opisyal nga nagpasalamat kini sa tanang lakang nga gibuhat sa mga hog farmers ug mga opisyale sa mga barangay nga adunay patigayon sa pagpamuhi ug baboy aron maminusan ang pagkaylap sa virus sa kahayupan.
Kanunay nga nagkolekta sa mga sample sa dugo gikan sa mga baboy ang DVMF sa mga lugar nga adunay kamatayon nga nga may kalambigitan sa ASF aron dili na kini makatag sa lain pang mga lugar.
Pahimangho balik sa opisyal sa tanang hog farmers sa pagpatuman ug bio-security sa ilang mga tugkaran aron sa pabiling kahimsog ug luwas sa sakit ang ilang mga binuhing baboy.
