CEBU – Gidakop ang kataposang suspek, usa ka pulis, human siya gisilbihan sa warrant of arrest niadtong Agosto 11, human sa unom ka buwan ang nilabay sa nahitabong pagpatay sa Baringui-an.
Hiniusang midakop ang mga kapulisan sa Regional Intelligence Division sa Central Visayas (RID-7) ug Integrity Monitoring and Enforcement Group, kang Police Master Sergeant Alvin Enad sa Ronda Police Station.
Usa si Enad sa upat ka aktibong pulis uban sa usa ka kanhi polis nga giakusahan nga responsable sa pagpatay sa magtiayon, Maria Louela Baringui-an ug iyang bana nga si Peter niadtong Pebrero 13, 2022, sulod sa ilang balay sa Barangay Panadtaran, San Fernando, habagatang Sugbo.
Gipasaka batok sa mga akusado nga sila si Police Staff Sergeants Rene Abella Catamora, Junrey Papaya Ypil, Junrey Batobalonos, ug kanhi polis nga si Esmeraldo Obleanda Quillosa, anaa na sa Cebu City Jail Male Dormitory ang Robbery with double homicide niadtong Pebrero 23, 2022.
Kahinumduman nga kining upat mi-turnover sa ilang kaugalingon sa nagkadaiyang police units pipila ka adlaw human sa insidente.
Sa bahin ni Police Brigadier General Roque Eduardo Vega, director sa Police Regional Office in Central Visayas (PRO-7), sa usa ka pamahayag nga ang warrant giisyu ni Presiding Judge Barcero Redoble sa Branch 77 sa Carcar City, Cebu.
Matud pa ni Vega nga napasaka na niadtong Abril 26, 2022 ang mga kasong administratiba batok niining upat ka mga pulis tungod sa Grave Misconduct ug Conduct Unbecoming of a Police Officer.
Hinungdan nga nagkanayon si Vega miingon nga ang maong kaso nasulbad na.
