Emosyonal nga gihinumdoman ni Queen of All Media Kris Aquino ang iyang karaan nga kaugalingon samtang nagpadayon siya sa pagpakigbiso sa iyang sakit.
Kahinumduman nga unang gipaambit ni Kris nga aduna siyay siyam ka na-diagnose nga autoimmune disease, ug ang ikanapulo kay resulta sa mga komplikasyon.
Matud pa sa post sa social media sa suod nga higala ni Kris ug kanhi showbiz writer nga si Dindo Balares, anaa si Kris sa usa ka private resort diin siya giatiman ug gilutoan og mga organikong pagkaon.
Kusganong gihimakak usab ni Balares ang mga tsismis nga anaa sa Caramoan si Kris, ug giklaro niini nga dili kini tinuod.
Samtang, taliwala sa iyang kahimtang, padayon nga nagsuporta ug nag-ampo ang iyang mga higala ug fans alang sa iyang hingpit nga pagkaayo.
