Giatake sa Iran ang usa ka Kuwaiti tanker nga nagdala og lana samtang milawig sa kadagatan sa Dubai.
Diin naigo ang tanker sa usa ka pag-atake sa drone sa Iran.
Sumala sa city authorities, maayo na lang walay gitaho nga oil spill o mga nasamdan human sa mga pag-atake sa naasoy nga tanker.
Sa wala pa ang pag-atake, ang Kuwait Petroleum Corporation kaniadto nagpasidaan sa posibleng oil spill human giatake sa mga pwersa sa Iran ang dakong crude carrier nga “Al-Salmi” samtang kini modunggo sa Dubai.
Naigo ang barko sa gilay-on nga 31 nautical miles amihanan-kasadpan sa Dubai, sumala sa maritime authority sa UK (UKMTO).
Ang pag-atake sa drone miresulta sa sunog sa barko, nga sa ulahi gipalong sa mga awtoridad sa Dubai.
Gideklarar sa mga awtoridad nga “contained” ang insidente.
Ang bag-ong pag-atake sa Iran nagsunod sa gibag-o nga pasidaan ni US President Donald Trump nga ang mga tinubdan sa enerhiya sa Iran malaglag kung ang Strait of Hormuz dili maablihan pag-usab.
