TALISAY CITY, CEBU- Boluntaryong misurrender ang usa ka 27-anyos nga lalaki sa mga kapulisan sa dakbayan sa Talisay kinsa mitug-an nga siya ang tag-iya sa ginadiling pabuto nga “Goodbye Philippines” nga iyahang gisulayan sa pagpabto niadtong pagsugat sa Bag-ong Tuig, Miyerkules Enero 1, 2024.
Giila kini nga si El Niño Entong nga lumad nga taga dakbayan sa Lapu-Lapu nga karon nagpuyo na sa dakbayan sa Talisay kinsa nga boluntaryong mi-surrender sa Talisay City Police kagahapong adalaw Huwebes, Enero 2.
Matod pa ni Police Lt. Col. Epraem Paguyod, ang hepe sa Talisay City Police, nga giangkon niini nga siya ang nagpabuto sa “Goodbye Philippines” nga napalit niya gawas sa dakbayan sa Talisay.
Ang maong insidente mikalas sa kinabuhi sa 10-anyos nga batang lalaki kinsa uban sa mga ubang bata sa maong dapit ang mibubo og pulbura og buak nga tiles sa mi-malfunction nga pabuto ang didtong higayona na nipaka kini og mibuto sa nawng og lawas sa biktima.
Mag-atubang sa kasong reckless imprudence resulting in homicide ang dinakpan subay sa Executive Order 28 ug Republic Act 7183, o ang regulasyon sa paggamit ug pagbaligya sa pyrotechnics ug firecrackers.
