Usa ka Swiss nga powerlifter ang nagpakita og dakong pisikal nga paglahutay human magpabiling nalubong sa snow sulod sa kapin duha ka oras samtang nagsul-ob lamang og trunks.
Ingon man nga ang maong dedikasyon kay nakalangkat og bag-ong Guinness World Record.
Giila kini nga si Elias Meyer, usa ka atleta nga hanas sa weightlifting, mipili niini nga hagit aron sa pagrekord sa world record title nga “longest time spent in direct full body contact with snow.”
Matod niya, iyang nahibaw-an nga wala pay nakatala og duha ka oras sa maong titulo kaniadto mao nga iya kining gisulayan.//
Nakatala siya og duha ka oras ug pito ka segundos, milabaw sa miaging rekord nga gihuptan ni Valerjan Romanvoski niadtong 2022, nga milungtad og usa ka oras, 45 minutos ug 2 segundos.
Bisan og grabe ang katugnaw, giangkon ni Meyer nga mas nakigbisog siya sa kabug-at sa snow sa iyang lawas kaysa sa katugnaw mismo.
