LAPU-LAPU CITY, CEBU- Gisusi karon sa hepe sa kapolisan sa Lapu-Lapu City Police Office (LCPO) ang giingong pagmaltrato sa usa ka tinun-an sa criminology sa duha ka mga pulis nga sakop sa Police Station 4 Police.
Giingong mohimo og “motio propio” imbestigasyon ang LCPO tungod sa giingong pagkulata nga nasinati sa estudyante sa kamot sa duha ka polis.
Subay sa nahitabo, gitumbok nga ang naasoy nga tinun-an suspek sa pagpangawat sa usa ka panimalay, apan nasuta nga nagsilbi kini nga ‘caretaker’, apan wala dayon motuo ang kapulisan hinungdan nga gikulata kini.
Nakaangkon og samad sa ulo ug paa ang biktima sa maong insidente.
Dugang niini, gawas sa duha ka mga pulis, aduna usay asset nga nalambigit sa insidente sa pag-atake.
Subay niini gikwa-an ug habig sa Bombo Radyo Cebu si Lapu-Lapu City Mayor Ahong Chan.
Dinhi, gipasabot sa mayor nga sa inisyal nga imbestigasyon gipasanginlan si Eric nga nangawat sa biseklita nga anaa sa iyang gibantayan nga lugar, apan hugot niyang gibarogan nga dili kini tinuod.
Gani, natay-og ug na-trauma siya sa kahimtang karon ug kanunay niyang gipangita ang iyang inahan ug amahan tungod sa kahadlok nga iyang gibati.
Ingon sa nakahunahuna usab ang biktima sa pagkutlo sa iyang kinabuhi.
