CEBU CITY-Hilabihan matud pa ka taas ang level of disaster preparedness and awareness sa Japan subay sa pag-igo sa supertyphoon Hagibis.
Kini ang pamahayag ni Cebu City Councilor Dave Tumulak, ang committee sa public safety nga naa sa Japan ngayon human mitambong og disaster preparedness and awareness training.
Matud ni Tumulak nga nahingangha siya sa kadisiplinado sa mga tao ug sa balaud nga gipatuman sa Japanese Government.
Tanan matud pa nga tao ang mandated nga mag-install og mobile application nga maghatag sa ilang mga update matag dunay kalamidad. Ug duna isip kini ‘instruction’ sa katawhan kung asa sila mu-evacuate depende sa lugar nga gikahimutangan sa mga residente.
Libre usab matud pa ang mga vending machines sa panahon sa kalamidad.
Advance usab matud pa ang preparation sa katawhan ug dili na kini maghuwat pa sa advisory gikan sa government. Ingon man limpyo ug nindot ang mga evacuation centers. Labaw sa tanan, nagkasinabot matud pa ang mga lawmakers ug nagtinabangay ang matag tao.
Hinungdan nga sigon sa councilor nga mas maayo nga sundogon ug himoong modelo sa Pilipinas ang sistema sa Japan kung diin mismong ang mga tao ang mao na gyud ug muhimong paagi nga maluwas ug musunod gyud sa mga guidelines.
Samtang duna lang matud pa’y nakita nga kuwang si Tumulak sa nasud nga Japan kalabot sa pagpangandam kung dunay kalamidad. Kini mao ang awareness usab sa mga foreigners nga sama kaniya tungod kay puros ‘Japanese characters’ ang tanang advisory.
