CEBU CITY — Gipasabot ni Dr. Salustiano Jimenez, ang DepEd-7 Director nga kung mapamatud-an ang usa ka magtutudlo nga nangabit, mamahimo kining pasakaan ug kaso nga administrative case.
Kini subay na sa isyu nga adunay usa ka public school teacher nga nalambigit sa konsehal sa lungsod sa Pinamungajan.
Sa pagkakaron, kasamtangang naghuwat ug formal complaint ang buhatan sa DepEd aron ma-aksyonan kini kay matud pa ni Jimenez nga dili kini makahatag ug silot kung dili muagi sa due process.
Read more: Konsehal ug kabit niining magtutudlo nasakpang nag-loving-loving sulod sa lodge
Kung mapamatud-an kini, ang silot magdepende sa gibug-aton sa kaso ug kung kini bug-at, mamahimong kuhaan kini ug lisensya ug dili na magamit ang propesyon
Hangyo ni Jimenez sa mga magtutudlo nga dili magbuhat ug sama nga malaw-ay nga binuhatan tungod kay taas ang tan-aw sa publiko niini ug kinahanglang magsilbi kining role model ug taas ang moralidad ilabi na sa mga magtutungha ug sa komunidad.
