Gitudlo nga bag-ong prime minister sa Canada si Mark Carney ug lider sa Liberal Party human makadaog sa eleksyon.
Diin kapin sa 150,000 ka mga miyembro sa partido ang nagboto sa eleksyon.
Ang kaatbang ni Carney alang sa posisyon mao si Chrystia Freeland, kinsa nahimo nang usa ka senior nga miyembro sa gabinete sa gobyerno sa Liberal.
Kani Bank of Canada ug Bank of England governor si Carney, sa wala pa modaog isip Prime Minister ug ingon man nga gikonsiderar kini nga bag-o sa natad sa politika.
Bisan pa, nagtuo si Carney nga siya ang labing angayan nga ihulip aron mabuhi pag-usab ang partido ug pagdumala sa negosasyon sa pamatigayon kauban ang Presidente sa US nga si Donald Trump, nga naghulga sa dugang nga mga taripa nga grabe nga makaapekto sa ekonomiya nga nagsalig sa eksport sa Canada.
Sa iyang pakigpulong, nagpasalamat kini sa mga ministro nga nagpabilin sa ilang mga katungdanan bisan pa sa mga hulga.
Dugang pa niya nga ang partido liberal nagsilbi nga tingog sa ilang komunidad aron mas makatabang sa mga nanginahanglan.
Kahinumduman nga niadtong Enero, si Justin Trudeau nipahibalo nga mokanaog na siya sa iyang katungdanan human siya makaserbisyo og siyam ka termino.
