CEBU CITY-Aduna nay mitumaw nga mga pangan nga girekomendar ngadto kang Cebu City Mayor Raymond Alvin Garcia sa pagtudlo sa mga bakanteng posisyon sa Board of Directors sa Metropolitan Cebu Water District (MCWD).
Matod pa nga ang mga mitumaw nga mga pangan kay sila kanhi konsehal Gerry Carillo ug Carlo Maamo bag-o lang gi-endorso sa buhatan ni Garcia, pipila lang ka adlaw human sa endorsement nila ni Yvonne Gomos ug Ferdinand “Bong” Pepito.
Atol kini sa press conference sa Mayor kagahapong adlawa sa Lunes, Oktubre 7, 2024 nga nagtumong sa hinanaling pagkatudlo s mga bag-ong sakop sa MCWD-BOD tungod aduna nlay duha ka incumbent board members nga sila Miguelito Pato and Jodelyn May Seno ug wala na kini nakaabot sa quorum.
Kini mahisubay sa pagkanaug sa pwesto ni Atty. Joey Daluz III niadtong Septiyembre 30 tungod sa ambisyon niini nga mulansar sa umaabot eleksyon.
Kinahanglang maporma ang usa ka quorum nga adunay labing menos tulo ka mga miyembro nga present, aron mapadayon ang bisan unsang meeting sa board.
Matud pa ni Garcia nga adunay kinatibuk-ang upat ka mga bakante sanglit ang kontrata ni Pato mapupos sa Disyembre ning tuiga.
Dugang niya nga gusto niya nga adunay lain-laing mga miyembro sulod sa board tungod kay ang mga bakanteng lingkuranan nagrepresentar sa professional, civic, ug education sectors.
