Dili angay mahadlok ang mga miyembro sa House of Representatives sa deklarasyon ni Bise Presidente Sara Duterte nga modagan sa 2028 presidential elections taliwala sa nagpadayon nga mga reklamo sa impeachment batok kaniya.
Kini tubag sa pahayag sa Makabayan bloc nga ang deklarasyon ni VP Sara mahimong ‘pagpanghulga’ sa mga kongresista.
Matud ni Castro nga ang ilang panan-aw mahimong adunay maayong basehan, apan ang mga napili nga opisyal dili angay magpakita og kahadlok tungod lang sa yano nga pag-anunsyo sa kandidatura.
Gipasiugda sa Palasyo nga ang giingon nga pahayag opinyon lamang sa Makabayan bloc.
Sa miaging adlaw, ang ikaupat nga reklamo sa impeachment gisang-at batok kang VP Sara, kini human sa pag-anunsyo sa Bise Presidente sa iyang plano nga modagan sa 2028.
