METRO MANILA-Gihagit sa mga magbabalaod si Bise Presidente Sara Duterte nga hinganlan ang mga nagpakatap og bakak nga balita o impormasyon nga may kalabotan sa mga isyu sa impeachment.
Sa pamahayag ni VP Sara, pipila sa ilang mga higala sa House of Representatives nitug-an kaniya bahin sa giingong impeachment batok kaniya.
Apan, subling gihimakak sa mga magbabalaod nga wala’y basehanan ang isyu sa impeachment batok kang Bise Presidente Sara Duterte.
Suno kay Deputy Majority Leader ug Iloilo Representative Janette Garin, wala siya’y nadunggan kabahin sa maong isyu.
Gitataw usab ni Garin nga bisag pila ka oras siya sa Kamara, wala siya makadungog og impeachment.
Hilabi na nga sa pagkakaron kay nagkapuliki ang mga magbabalaod sa pagsusi sa 2025 national budget sa nagkadaiyang ahensya sa gobyerno.
Matod ni Garin, sa serbisyo publiko adunay mga indibidwal nga gusto lang makakuha og atensyon.
