CEBU – Kapin sa usa ka kilo sa gituohang shabu o mobalor og P7.4 milyones ang nasakmit sa gipahigayong buybust operation sa mga operatiba sa Cebu City Police Office (CCPO) karong hapon sa Brgy.Lahug, dakbayan sa Sugbo.
Ang naangol nga suspek giila nga si Paul Kevin Abella, 29 anyos, dunay kapikas, ug residente sa nahisgutang lugar ug gikonsiderar nga High Value Individual regional level.
Sa pakighinabi sa Bomboradyo Cebu ni Police Major Francis Renz Talosig, siya niingon nga ang suspek usa ka notadong tigpayuhot og shabu ug mao kini ang giingong tinubdan sa gidiling drugas sa mga unang nasikop sa CCPO station 4.//
Dugang pa ni PMajor Talosig nga ilang gipusil ang suspek ug naigo sa walang bukton human kini nisukol ug nibunot sa iyang kalibre 45 nga pistola nga adunay upat ka bala.
Kasong may kalambigitan sa RA 9165 o Comprehensive Dangerous Drugs Act of 2002 ug RA 10591 o illegal possession of firearms ang giandam batok sa suspek.
