Nihangyo ang buhatan sa Office of the Civil Defense – Central Visayas sa mga pribadong indibidwal nga nanghinaot muhatag og ayuda sa mga nabiktima sa linog sa amihanang Sugbo nga i-organisar kini aron dili makatampo sa bug-at nga lakat sa trapiko sa maong bahin sa probinsya.
Kini ang gisaysay ni OCD-7 Regional Director Joel Erestain diin sumala nila nga nakasaksi mismo sila nga ang mga pribadong sakyanan og mga trucks kay sa nasudnong highway mang apod og hinabang nga nakahatag sa sitwasyon nga hinay nga dagan sa trapiko ilabi na ang padulong sa dakbayan sa Bogo.
Gihinaot niini nga maorganisar ang tanan hinabang ihatag sa hilabihang naapektuhan sa linog aron hapsay kining madalit nga dili makahatag og dugang risgo sa tanan.
Una nang nagpadayag og kamanduan ang Cebu Provincial Capitol kabahin niini diin pinaagi sa gahum ni Gov. Pamela Baricuatro ang usa ka travel advisory partikular na ang nagtumong nga muadto sa dakbayan sa Bogo, mga lungsod sa San Remigio, Medillin, Daanbantayan, Tabogon, Tabuelan, Borbon, Sogod ug uban pa nga lisod pa kining agian apan ang Central (lakip ang Metro Cebu) ug Southern Cebu kay luwas ang tanan dalan kaagian ilabi na sa sektor sa turismo nga apektado sab sa maong katalagman.
Ingon man ang PNP Cebu Provincial Police sab kay nagtukod na og mga checkpoints subay sa nasudnong highway sa amihanang lalawigan aron makatabang sa pag-track sa lihok ug distribusyon sa mga relief goods.
Ang maong mga checkpoints kay wala nagbabag apanbjag suporta lang alang sa koordinasyon, monitoring, og ang kaluwasan sa mga motorista.
Ang mga sakop sa kapulisan kay magsumiter og reports ngadto sa OCD aron masubay kini.
Gipasalig karon sa Kapitolyo nga gipaningkamutan niini ang paspas nga paghatod sa mga ayuda sabmga apektadong barangay ug ang ilang suod nga pakigtambayayongbsa mga LGUs, civic groups, ug volunteers aron walay mibusa ang mabiyaan nga dalansa kadaot sa katalagman.
