CEBU-Nakakita og igong basehan ang Office of the Ombudsman – Visayas aron imbestigaran og kasong criminal ug administratiba sila Cebu City Mayor Raymond Alvin Garcia ug ang kanhi City Director sa Cebu City Police Office (CCPO) nga si Police Col. Antonietto Cañete.
Ang akusasuon mahitungod a kalapasan sa Revised Penal Code, Anti-Graft and Corrupt Practices Act, ug sa Code of Conduct for Public Officials mahitungod sa pagtugod sa mga opisyal og tigbakay o “cockfighting” sa usa ka tanyag nga hotel sa South Road Properties.
Ang direktiba kay pinetsahan og Enero 24, 2025 diin nagmando kini nila Garcia ug Cañete sa pagsumiter sa ilang counter-affidavits ug ebidensya sulod amang sa 10-ka adlaw aron makahatag sila sa ilang habig sa maong kaso.
Nag-ugat ang maong imbestigasyon sa reklamong gipasako ni Kristian Hassamal niadtong Nobyembre 2024 kinsa kanhi opisyal sa Cebu City Hall ug iladong alyado ni Dismissed Cebu City Mayor Raymond Alvin Garcia nga nag-akusar kang Garcia sa pagtugot og tigbakay nga walay approval sa konseho sa dakbayan.
Sa pagsubay, nahitabo ang tigbakay sa usa ka hotel and casino sa SRP niadtong Mayo 2024 diin bisan pa man wala aprobahi sa konseho ang maong kalihokan kay giluwatan gihapon kini og “Letter of No Objection” sa katungdanan ni Garcia isip acting-mayor niadtong panahon inabagan sa “Letter of Approval” sa CCPO hinungdan nga nakapadayon ang maong kalihokan.
Gisaysay niini nga nakalapas kini sa Presidential Decree 449 (Cockfighting Law of 1974) ug sa Cebu City Ordinance No. 1447 of 1993.
