CEBU CITY-Pagtahud sa lokal nga kagamhanan ang gikinahanglan nga batunan ni Lapu-Lapu City Lone District Rep. Paz Radaza.
Kini ang pamahayag ni Lapu-Lapu City Mayor Junard ‘Ahong’ Chan human sa padayun nga pagmagahi ni Radaza nga ibakante ang representative office sa Lapu-Lapu City Hall bisan pa man sa mismong pamahayag ni DILG Secretary Eduardo Año nga dili maka-insistir ang kongresista nga magpabilin sa maong opisina.
Gibutyag ni Mayor Chan atol sa ekslusibong pakighinabi sa Bombo Radyo Cebu sa programang Bombohanay Bigtime nga dili na lang kaniya inay ang opisina na lang sa mayor ang tahurun ni Radaza kung diin gipanag-iya sa local government.
Matud pa nga ang mga Oponganon ang masakripisyo sa ilahang panagbangi gumikan lang sa nahisgutang opisina hinungdan nga nanghinaut ang mayor nga dili na ipamugus sa kongresista ang pagbilin niini sa representative office.
Subli nga gipahibalu ni Mayor Chan nga aduna na’y gi-abangan ang kongresista sa Barangay Basak sa Lapu-Lapu arun nga himu-un niini ug opisina apan iyahang gikahibulung nganung nagpabilin sa gihapun ang maong opisyal sa City Hall.
Nasayran nga nagpabilin sa gihapun si Radaza sa kontrobersyal nga opisina sa City Hall gumikan kay gustu na usab niini nga paabutun ang court ruling human sa hangyu nga klaruhun ang pamahayag ni DILG Sec. Año. (SBR)
