CEBU CITY — Gisunog sa Philippine Drug Enforcement Agency (PDEA-7) ang laing hugna sa mga iligal nga drogas nga una nang nasakmit sa gipahigayong operasyon sa otoridad.
Gibana-banaang mokabat sa P12 million ang kantidad sa maong mga illegal drugs ang giguba sa PDEA-7.
Gilangkuban ang maong mga iligal nga substance sa P9.1 million nga shabu; P2.5 million nga marijuana; ug P800,000 nga ecstacy.
Una pa ang pagsunog sa maong mga illegal substance, gihimo una sa PDEA-7 chemists ang pag-test sa saubstance atubangan mismo sa mga sakop sa media ug sa ubang saksi aron pamatud-an ang pagduda sa uban nga dili matod pa illegal drugs ang gipang sunog.
Gibutyag ni PDEA-7 Director Levi Ortiz nga lauman pa ang dugang ginadiling drugas ang sunogon sa otoridad sa mga mosunod nga semana.
Kabahin ang pagsunog sa maong mga illegal substance sa compliance sa guidelines nga gitakda sa Custody and disposition sa mga nasakmit nga dangerous drugs ubos sa Section 21, Article II sa Republic Act 9165 o Comprehensive Dangerous Drugs Act of 2002.
Kahinumduman nga gisunog sa PDEA-7 ang unang hugna sa mga illegal drugs niadtong buwan sa Oktubre diin mokabat sa 11 ka kilo nga anaa sa P77 milyunes ang balor niini.
