Gipahayag sa House prosecution panel nga si Vice President Sara Duterte lamang ang makapatin-aw bahin sa gitaho nga ₱4.4 bilyon nga kantidad sa mga transaksyon, nga giisip nga “covered” ug kadudahan, ug giingong naglambigit kaniya ug sa iyang bana nga si Manases “Mans” Carpio, sukad niadtong tuig 2007 hangtod 2025.
Matod ni Lanao del Sur Representative Zia Alonto Adiong, ang maong kalihokan sa panalapi dili motakdo sa net worth nga gideklarar ni Duterte sa iyang Statement of Assets, Liabilities, and Net Worth (SALN).
Atol sa pagdungog, namatikdan ni Senate Presiding Officer Chiz Escudero nga ang kinatibuk-ang tinuig nga net worth nga makita sa mga SALN ni Duterte sulod nianang panahona mikabat sa gibana-bana nga ₱840 ka milyon.
Samtang, giklaro sa Anti-Money Laundering Council (AMLC) nga ang kantidad nga ₱4.4 bilyon nagrepresentar sa kinatibuk-ang gitaho nga kalihokan sa panalapi, ug dili kini ang iyang net worth o account balance.
Miinsistir si Adiong nga kinahanglang ipatin-aw ni Duterte kon nganong wala makita sa iyang SALN ang maong kalihokan sa panalapi.
