Giangkon ni Cebu City Councilor Joel Garganera ang Deputy Chief sa Emergency Operations Center nga dakong hagit karon kung unsaon nga mamentenar ang mubo na lang nga ihap sa mga natakdan sa coronavirus.
Kini ang usa sa gibutyag sa konsehal subay sa pagbalik na sa ubang mga establisiyemento nga nangabli.
Una niini, gikumpirmar ni Councilor Garganera nga adunay unom ka mga buhatan sa dakbayan sa Sugbo ang suspendido human nakita ang halapad nga pagkuyanap sa COVID-19.
Subay niini subling nanawagan si Garganera sa publiko nga magmatngon gihapon ang tanan aron malikayan nga mokuyanap pa ang coronavirus sa syudad.
Samtang gihimug-atan niini nga di kini magduha-duha sa pagbutyag sa mga nanag-iya ug establisiyemento nga magmagahi sa pag-amping ug pagtuman sa health and safety protocols sama lang sa paggamit ug face masks ingon man face shield ug ang pagtuman sa physical distancing, pagsulat sa health declaration forms ug uban pa.
Hinu-on sa karon nisanong matod pa ang ubang mga nanag-iya ug negosyo lakp na ubang indibidwal apan gipasalig niini nga hugot gihapon ang monitoring sa mga hingtungdang ahensiya kalabot sa pagpugong nga mokuyanap pa ang kaso sa COVID-19.
