Palarong Pambansa 2026 sa Agusan del Sur, gisigurong madayon taliwala sa krisis

Ipahigayon gihapon ang Palarong Pambansa 2026 sa Agusan del Sur gikan Mayo 24 hangtod Mayo 31 karong tuiga, bisan pa man sa krisis nga giatubang sa nasud.

Sumala ni Department of Education Undersecretary for Operations ug Palarong Pambansa Secretary General Malcolm Garma, adunay pipila lang ka mga konsiderasyon nga ilahang gikonsiderar, lakip na ang dili kalikayan nga mga panghitabo sama sa posibleng paghunong sa pagbiyahe sa eroplano ug barko nga makaapekto sa kalihokan.

Sa karon, ang mga dagkong pagpangandam magpadayon sa probinsya sa Agusan del Sur, uban sa nagkalain-laing mga rehiyon human sa tulo ka adlaw.

Dugang ni Garma, kini usab ang katumanan sa mga damgo sa daghang mga atleta nga moapil ug makasinati sa Palarong Pambansa.