CEBU CITY-Mabulokon nga nahuman ang “Pasko sa Sugbo” inubanan sa pagpasiga sa Christmas Tree of Hope sa Fuente Osmeña rotunda.
Diin gidagsa sa liboan ka mga Sugboanon ang annual opening nga gipangulohan ni Cebu City Mayor Raymond Alvin Garcia.
Matud ni Garcia nga sulod sa 24 ka tuig nga pagbalik-balik sa Fuente aron sa pagpasiga sa Christmas Tree kay nahimo ng tradisyon ang maong panagtapok.
Ug bisan paman sa kahuot sa dapit kay wala kini nakababag sa mga Sugboanon aron mainitong sugaton ang pagpasiga sa higanteng Christmas Tree subay sa umaabot nga pagsaulog sa Pasko.
Hinungdan nga dako ang pasalamat ni Garcia sa tanang miduyog sa maong historical event.
Wala usab nagmahay ang mga mitambong gumikan napuno sa kaanyag ug maanindot nga mga pasundayag ang giandam hilabi na ang highlight nga fireworks nga mas midugang sa kahayag sa kagabhion.
