Gitaho ni Philippine Coast Guard spokeperson for the West Philippine Sea Commodore Jay Tarriela nga wala’y personnel nga naangol sakay sa barko sa Philippine Coast Guard nga BRP Teresa Magbanua human direkta ug tuyo nga gibangga sa China Coast Guard 5205 sa Escoda shoal niadtong Sabado.
Matud ni Commodore Tarriela nga delikado nga maniobra ang gihimo sa maong Chinese vessel bisan pa man sa wala tuyoa nga aksyon sa PCG vessel samtang kini nagsuroysuroy sa Escoda shoal.
Kini nga aksyon giingong nakadani sa atensyon sa nasangpit nga CCG ug Chinese maritime militia vessels nga anaa sa maong lugar hinungdan nga mas daghang barko sa Chinese Coast Guard ang nangabot ug mas daghang Chinese maritime militia vessels usab ang misuporta sa ilang maritime forces sa paglibot sa BRP Teresa Magbanua.
Tungod sa pagkabangga sa CCG vessel sa BRP Teresa Magbanua, nakaangkon kini og kadaot sa bridge wing ug port bow.
