Target sa Permanent Court of Arbitration (PCA) nga nakabase sa The Hague, Netherlands kay nagtumong sa pagpahigayon sa pipila ka mga proseso niini sa Pilipinas.
Sa usa ka pahayag, ang Korte Suprema miingon nga ang PCA nagtuon sa posibilidad nga makigtambayayong sa Korte Suprema sa Pilipinas alang sa pagpahigayon sa mga proseso niini.
Mao kini ang giingon ni PCA Secretary General Dr. Marcin Czepelak sa iyang courtesy visit kang Chief Justice Alexander Gesmundo sa Korte Suprema.
Matod sa opisyal sa PCA, mahimo kini pinaagi sa Host Country Agreement diin ang PCA makahimo og mga hearing sa mga pasilidad nga gihatag sa Korte Suprema sa PH.
Samtang, si Gesmundo usab miingon nga ang SC komitado sa pagsuporta sa mga kalihokan nga may kalabutan sa pagpalig-on sa internasyonal nga balaod aron masiguro nga ang pagmando sa balaod kay unibersal sa tibuok kalibutan.
Una, ang mga opisyal sa PCA miadto sa Pilipinas aron mopirma og kasabutan sa Philippine Dispute Resolution Center, Inc. (PDRCI) alang sa paggamit sa ilang mga pasilidad.
Buot ipasabot nga ang PCA makapahigayon og mga hearing subay sa polisiya sa PCA gamit ang mga pasilidad sa PDRCI samtang ang mga kaso nga gidumala sa PDCRI madungog sa mga buhatan sa PCA sa The Hague, Singapore ug Vietnam subay sa lagda sa Philippine Dispute Resolution Center, Inc.
