Opisyal na nga gidawat ni Pope Leo XIV ang “Ring of the Fisherman” o Piscatory Ring, nga nagsimbolo sa awtoridad sa Santo Papa isip successor ni San Pedro.
Gihimo ang seremonyas human sa Misa sa Inagurasyon sa St. Peter’s Square.
Gipresentar ang singsing ni Cardinal Luis Antonio Tagle, Pro-Prefect of the Dicastery for Evangelization.
Diin ang pagdawat sa singsing usa sa mga nag-unang bahin sa pagsugod sa usa ka bag-ong Santo Papa, ug giisip nga usa ka makasaysayanon nga timaan sa iyang responsibilidad sa pagpangulo sa Simbahang Katoliko.
Naghulagway ang singsing kang San Pedro, ug nagpakita sa iyang papel isip unang Santo Papa, basi sa Bag-ong Tipan nga Mateo 16:19, diin si Pedro gihatagan sa mga yawe sa Gingharian sa Langit, ug Lucas 22:32, si Jesus nagsugo kaniya sa pagpalig-on sa pagtuo sa iyang mga igsoon.
Ang Piscatory Ring, nga nagsugod sa ika-13 nga siglo, usa ka simbolo sa awtoridad ug responsibilidad sa Santo Papa isip manununod ni San Pedro, ang Apostol nga Mangingisda.
Gigamit kini kaniadto isip singsing sa selyo aron pagsilyo sa opisyal nga mga dokumento hangtod sa 1842, apan karon gigamit na lamang sa seremonyal nga paagi.
Ang matag Santo Papa adunay kaugalingong talagsaon nga singsing. Kung mamatay ang Santo Papa, ang singsing maguba aron dili na kini magamit pag-usab.
Ang singsing ni Pope Leo XIV nagpakita kang San Pedro nga adunay mga yawe ug pukot, isip simbolo sa pagpadayon sa misyon nga gibilin ni Kristo kang Pedro.
Pinaagi sa pagdawat sa singsing, si Papa Leo XIV opisyal nga miangkon sa espirituhanong responsibilidad isip ika-266 nga Successor ni San Pedro.
