Pres.Marcos, gipanghimakak nga gipulitika sa mga magbabalaod ang budget hearing sa Office of the Vice President

METRO MANILA-Gipanghimakak ni Presidente Ferdinand Marcos Jr nga gipolitika sa mga magbabalaod ang paghimo sa nasudnong budget sa Office of the Vice President.

Matod sa Presidente, ang tanang budget sa mga buhatan sa gobyerno moagi sa normal nga diskusyon sa mga magbabalaod.

Sakto lang nga proseso ang gihimo sa mga magbabalaod sa pag-imbestigar sa matag sentimo sa nasudnong budget sa matag ahensiya sa gobyerno ug layo pa kini sa pamolitika.

Reaksyon kini sa presidente sa pamahayag ni Bise Presidente Sara Duterte nga nahimong pamolitika ang pagdungog sa 2025 budget sa iyang buhatan.