Gipirmahan na ni Presidente Joe Biden ang balaodnon sa pagpondo sa gobyerno aron mapugngan ang shutdown sa gobyerno.
Kini nga kasabutan nagrepresentar sa usa ka kompromiso, nga nagpasabot nga wala’y bahin nga nakuha ang tanan nga gusto niini.
Ang lehislasyon magpundo sa mga operasyon sa federal hangtod sa Marso 14 ug maggahin og $100 bilyon nga tabang sa kalamidad, kauban ang $10 bilyon nga tabang sa agrikultura.
Apan, ang kasabutan kay wala maglakip sa gipangayo ni Presidente-elect Donald Trump alang sa debt ceiling extension.
Dugang ni Biden nga gisalikway niini ang gipadali nga agianan sa pagputol sa buhis alang sa mga bilyonaryo nga gipangita sa mga Republikano, ug gisiguro nga ang gobyerno makapadayon sa paglihok sa tibuuk nga kapasidad.
Ingon man nga gikumpirmar usab ni Senate Majority Leader Chuck Schumer nga wala nay mahitabo nga government shutdown.
