CENTRAL VISAYAS- Mapasigarbohon nga gitaho sa Police Regional Office-7, nga natapos ang Semana Santa nga wala’y dagko nga mga insidente o hulga sa kaluwasan sa publiko, nga nagpasidungog sa komprehensibo nga seguridad ug plano sa kaluwasan sa publiko sa rehiyon alang sa hapsay nga pagpatuman sa pag-obserbar sa Semana Santa.
Gikan sa Lunes Santo (Abril 14,2025) hangtod sa Domingo sa Pagkabanhaw (Abril 20,2025), liboan ka mga matinud-anon ang nagpundok sa mga simbahan, mga lugar sa panawduaw, ug mga pampublikong luna, buhan moapil sa mga tradisyon sa relihiyon.
Ang mga mahinungdanong interbensyon naglakip sa pagpadala sa mga personnel sa PNP ngadto sa mga simbahan, mga ruta sa prosesyon, dagkong mga terminal sa transportasyon, mga pantalan, ug mga destinasyon sa turista.
Subay niana, gipaaktibo usab sa mga Police Assistance Desks ug Barangay Peacekeeping Units, aron sa pagtabang ug pag-monitor sa mga lokal nga kalihokan; ug ang pagpatuman sa crowd control ug traffic management system aron masiguro ang hapsay nga dagan sa mga lugar nga huot kaayo.
Dugang pa, ang police visibility ug regional response capacity gipataas sa tibuok dapit, ilabina sa nailhan nga convergence points sama sa Cebu City, Tagbilaran, ug Cebu Province.
Gidayeg sa PRO7 ang disiplina, kooperasyon, ug pagkamabinantayon sa publiko, nga nag-obserbar sa mga relihiyoso nga kalihokan sa Semana Santa nga adunay pagtahod ug lig-on nga pagbati sa komunidad. Ang tanan nga mga kalihokan sa relihiyon nagpadayon nga walay pagkabalda, nga nagsunod sa natukod nga mga iskedyul ug mga pahimangno sa kaluwasan.
Ang bug-at nga koordinasyon sa mga lider sa relihiyon ug “civic volunteers” hinungdanon usab alang sa epektibo nga pagplano ug pagpatuman sa kalihokan.
Gitaho usab sa mga awtoridad sa Rehiyon-7, nga luwas ug solemne ra nga pag-obserbar sa Semana Santa, ug walay dagkong insidente nga natala sa tibuok Central Visayas atol sa usa ka semana nga pag-obserbar.
Busa, ang malinawon nga pagpahigayon sa tanan nga mga kalihokan nagpakita sa lig-on nga koordinasyon sa mga ahensya nga nagpatuman sa balaod, mga yunit sa lokal nga gobyerno, mga lider sa relihiyon, ug sa kinatibuk-ang publiko.
Subay niini, si PRO-7 Regional Director, PBGen Redrico Maranan, mipadayag ug dakong pasalamat sa tanang nalambigit sa maong nagmalampusong kalihokan.
Iyaha usab gipasaligan ang publiko, nga padayon sila nga maningkamot alang sa pagpanalipod sa dagko nga mga panghitabo ug pagpatunhay sa kalinaw ug kahapsay sa Rehiyon 7. (Bombo Irene Ardiente)
