CEBU – Gipahinumdoman sa kapolisan sa Sugbo ang publiko nga magmabinantayon tungod kay nagkadaghan ang mga snatching incidents karong bag-o lang.
Matud pa ni Police Lieutenant Colonel Maria Theresa Macatangay, ang information officer sa Cebu City Police Office (CCPO), nga ila nang gi-realign ang ilang deployment sa kapolisan sa dakbayan ug gimandoan ang tanang 11 ka station commanders nga susihon o tun-an ang ilang crime statistics nunot sa mga kaso sa snatching incidents sa maong dapit sa siyudad.
Nihangyu usab ang opisyal sa publiko nga e-report sa mga Pulis Station, kung ugaling ma biktima niini, gumikan kay kung mo kooperar ang mga biktima mas dali alang sa mga kapulisan nga masikop ang mga suspek, ug mapasakaan kini og tukmang kaso.
Subay niini, iyahang gihangyu ang katawhan nga kung ugaling adunay makakita nga naay gipangkawatan, mas labing maayu kung tabangan kini, arun sa ingun masakmit kini og dali, gumikan kay kung maghuwat pa sa kapulisan, dako ang possibilidad nga maka iskapo na kini, apan gikinahanglang lantawon usab nga dili mamiligro ang imong kinabuhi.
