CEBU CITY-Gikatakdang ibalhin sa mas dako ug nindot nga lugar kapuy-an ang mga iro nga mga nasagop sa Cebu City Department of Veterinary Medicine and Fisheries (DVMF).
Kini human nga ilbahin ang mga iro sa temporaryong buhatan sa DVMF nga nahimutang sa kanhi Cebu City Quarantine Center sa North Reclamation Area.
Adunay insaktong ihap sa 84 ka mga iro ang gipahimutang karon sa city pound diin nagpaabot nga adunay musagop kanila.
Matod pa ni Dr. Alice Utlang, ang pangu sa DVMF diin gitataw niini nga mahgimo sila og mini shelter alang sa mga iro nga anaa karon sa city pound.
Dugang niini nga ilang koralon (fencing) ang balhinanan sa mga iro ug himuan nila og atop (roof) ug riser nga kapundohan niini.
Prioridad nila nga masulod ang mga iro sa hapsay nga kapuy-an aron mu-arang-arang ilang sitwasyon ug adunay tukmang pagpakabana sa giilang Man’s Best Friend.
Sumala ni Dr. Utlang nga karong Mayo 15 ang pagtrabaho sa mini shelter nga adunay bana-bana nga matapos sa unang semana na sa buwan sa Hunyo.
