CEBU CITY-Gipahibalo ni Cebu City Acting Mayor Raymond Alvin Garcia nga gipatas-an niya ang bounty money sa si kinsa man ang makatudlo sa mga suspek sa pagpanulis sa duha ka jewelrey sa dalan Calderon, Barangay Ermita, ning dakbayan sa Sugbo niadtong Agosto 8, 2024.
Matod pa sa Acting Mayor nga si kinsa man ang makatudlo sa mga suspek sa pagkatawo sa unom ngadto sa walo ka mga gipanglantawan nga suspek aron sa pagkasikop ini ug sa pagpasaka og tukmang kaso.
Hinuon wala giklaro sa Acting Mayor asa kuhaun ang nadugang nga P100k kay gumikan ang inisyal nga pabuya maggikan kini sa iyang kaugalingon panudlanan.
Gihingusgan sa opisyal ang case build-up sa kaso aron dili kini mapakyas og adunay gayud makonbikto sa nahitabong krimen.
Kahinumduman nga udtong tutok niadtong Agosto 8 gitulis sa dungan nga higayon ang jewelry shops nga Macy’s Gold and Silver Jewelry store ug DGC D’Gold Chain Jewelry sa Labucay Building sa naasoy nga lugar.
