Alang kang kanhi House Speaker ug Leyte Rep. Ferdinand Martin Romualdez, ang Independent Commission for Infrastructure (ICI) mao ang labing maayong lugar aron hisgotan ang giingong pagsal-ot sa mga proyekto nga may kalabotan sa flood control scandal.
Gihimo ni Romualdez ang pamahayag human miatubang kini sa Komisyon.
Matud pa ni Romualdez nga ang maong fact-finding body nagtutok sa mga kamatuoran ug ebidensya, ug dili sa espekulasyon o kasaba sa politika.
Nisaad usab siya nga mobalik siya sa Komisyon kung ipatawag siya pag-usab.
Human sa iyang pag-atubang sa ICI, si Romualdez nagpasalamat sa Komisyon ug mipaambit sa iyang personal nga kahibalo sa proseso sa pagporma sa budget ug mga kalambigit nga isyu.
Gipabilhan ni Romualdez ang kahigayonan nga direktang ipasabot ang iyang habig ngadto sa ICI.
Matod ni Romualdez nga nalipay siya sa pagpaambit sa iyang kahibalo sa ICI tungod kay gusto niya nga mokooperar sa imbestigasyon, suportahan ang fact-finding aron masulbad ang mga isyu nga naglibot sa mga anomalosong proyekto sa flood control.
Sa pagkakaron, giklaro usab ni Romualdez nga wala pa siyay nadawat nga imbitasyon gikan sa Department of Justice.
