Nanawagan ang Russia alang sa hinanaling pagklaro gikan sa US human kini mipahibalo nga si Presidente Nicolas Maduro ug ang iyang asawa, si First Lady Cilia Flores, gidakop ug gipapahawa gikan sa Venezuela.
Ang Venezuela giisip nga labing importante nga kaalyado sa Russia sa Latin America kon bahin sa pamatigayon ug militar. Giila usab sa Russia si Maduro isip presidente sa Venezuela.
Sa usa ka pahayag, gipahayag sa Russian Foreign Ministry ang dakong kabalaka sa Russia bahin sa gitaho nga pinugos nga pagtangtang kang Maduro ug sa First Lady gikan sa ilang nasud taliwala sa agresibo nga mga aksyon sa US.
Sumala sa Russia, ang maong mga aksyon, kon tinuod, katumbas sa usa ka dili madawat nga paglapas sa soberanya sa usa ka independente nga estado, usa ka paglapas sa mga sukaranan nga prinsipyo sa internasyonal nga balaod.
Gikondenar kaniadto sa Russian Foreign Ministry ang gitawag niini nga mga aksyon sa US sa armadong agresyon batok sa Venezuela, nga nag-ingon nga dili madawat ang maong mga askyon, kini bisan unsang “mga pasangil” aron hatagan lang og katarungan.
