Patay ang labing menos 10 ka mga tawo human miigo ang duha ka mga airstrike sa Russia sa usa ka medical center sa Ukrainian sa lungsod sa Sumy.
Matud ni Ukraine Interior Minister Ihor Klymenko, sa unang airstrike, usa sa mga kawani sa ospital ang namatay samtang sa ikaduhang drone strike, daghang mga pasyente ang nahimong biktima, nga miresulta sa kamatayon sa 9 ka indibidwal ug pagkaangol sa 21.
Gipahibalo usab ni Sumy acting Mayor Artem Kobzar nga pipila ka mga lokal nga opisyal nakamatikod nga ang gigamit sa Russia sa pag-atake kay mga Shahed drone.
Sa laing bahin, sa siyudad sa Kryvyi, ang lungsod nga natawhan sa Presidente sa Ukraine nga si Volodymyr Zelenskyy, nakit-an sa mga awtoridad ang lawas sa usa ka tawo sa ilawom sa usa ka nahugno nga building nga naigo usab sa usa ka missile sa Russia kaniadtong Biyernes nga nakapatay sa upat ka mga residente sa lugar.
Dugang pa, ang Russian Defense Ministry nag-ingon nga ang mga airstrike mao ang pagpahunong sa operasyon sa upat ka Ukrainian drone sa rehiyon sa Belgorod ug lain sa rehiyon sa Kursk, nga mao ang utlanan sa nasud.
