Nisang-at og petisyon ang kontraktor nga si Sarah Discaya ug si Roma Rimando, executive officer sa St. Timothy Construction alang sa piyansa sa kasong malversation of public funds nga walay girekomendar nga piyansa.
Ang St. Timothy Construction, nga gipanag-iya usab sa mga Discaya, mao ang ikatulo sa listahan sa mga kontraktor nga nakakuha og binilyon ka dolyares gikan sa mga flood control projects sa gobyerno.
Gikumpirmar kini ni Atty. Cornelio Samaniego nga ang petisyon alang sa piyansa diin gisang-at sa Lapu-Lapu City Regional Trial Court (RTC) Branch 27.
Mahinumduman nga ang Office of the Ombudsman kaniadto nagpasaka og kaso kang Discaya ug uban pa sa malversation ug graft nga may kalabotan sa P96.5 milyon nga ghost flood control project sa Davao Occidental.
Apan, sila si Discaya ug Rimando susamang miangkon nga dili sad-an sa mga kaso batok kanila nga kasamtangan karon nga natanggong sa Lapu-Lapu City Jail.
